Puisi – puisi Ebi Puja

Kumpulan Puisi Ebi Puja

Pigago

Bujuok qhayu kosiek pasie

Bagoluk manjo jo ombak nan maompeh

Ayun palopah kaqhambie babisiek longang

Tagamang siangkak kalua saqhang

Unggun tenggi jo api nan godang

Cangguong mangadah kabulan jo bintang

Dibalakang Pulo panjang sudah Pulo Tamiang

Balopak tuo Pulo pigago dalam panantian

Lah Togak duduok mangkosuk ndo tasampain

Mandidasalah badan mak lopeh kosan

Pulo pigago

Qhaso lah punyo caqito

Pulo pigago

Jawek lah qindu nan salamoko

Pulo pigago

Dikaki langik pun lai saqhugo

Ebi Puja

Pincuqhan Butun

Lolong kaqhang pintu muaqho

Bagaloqho ombak manjujuong buyieh

Disolo batu mamanjang buluoh madok kalauk

Manyucuo lah aie manontang bukik sulewi

Manukiek batu kalang ka batu gajah

Qhindu pincuqhan nan ndo sudah

Pincuqhan aie aienyo butun

Jalang lah baliek jonguok lah baa

Pincuqhan butun aienyo ndo putuh

saqhuok lah baliek doguok lah Baa

Kok Iyo qhindu agieh lah Koba

Mak dikabik pincuqhan nan tingga

Ebi Puja

Share this:

Tinggalkan Balasan

Alamat email Anda tidak akan dipublikasikan. Ruas yang wajib ditandai *